Layout

Cpanel

denon artean logo

ALBISTEAK

Ekarpenak jasota, 'Denon artean' prozesu parte hartzailearen balorazio positiboa egiten du Udalak

denon arteanAzaroarekin batera bukatu zen 'Denon artean' parte hartze prozesua ere. Azpeitiko Udalak bi helbururekin egin du aurten, alde batetik, 2017ko aurrekontuen bidez herritarren beharrei erantzuteko, eta ekarpenak, ideiak eta proposamenak kontuan izateko; eta, beste aldetik, 2015-2025 Plan Estrategikoaren baitako zenbait arlo eguneratu, beste zenbaitetan sakontu eta egokitzeko ere erabili dira bilerak.

Orokorrean, "balorazio positiboa" egiten du Josu Labaka parte-hartze zinegotziak: "Urtero herritarren parte hartze bidez egiten den prozesua da 'Denon artean', baina Udaletik urte osoan lantzen den kontua da parte hartzea", azaldu du. Gogorarazi du herriko arlo desberdinetako eragileekin mahaien bidez edo egiten dituzten beste hainbat bileraren bidez harreman zuzena dutela: "Eragileen eta Udalaren arteko zubiak eginda daude, elkarlanean hamaika proiektu ditugu abian eta kirol edo kultura mahaiekin ere sintonia onean ari gara elkarlanean", adierazi du.

2016ko aurrekontuak osatzeari ekin dio Udalak eta dagoeneko, aurreneko bilerak egin ditu

bileragizarte2015

2016ko aurrekontuak eta legegintzaldiko asmoak herritarrekin elkarlanean lantzen ari da Udala.

Hainbat bidetatik ari da egiten:

Buzoiak eta webgunea: herritarren lehenbiziko iritzi eta proposamenak bildu dira kaleko buzoien eta webgunearen bidez. Orain arte, 30 ekarpen baino gehiago jaso ditugu eta ekarpenak egiteko azken aukera asteburu hau izango dela gogoratu nahi dugu.
Bilerak eragileekin: aurreneko bilerak egin dira jada. Hala, kirol, festa eta gizarte zerbitzuetako eragile eta taldeekin eta Matxinbenta eta Elosiaga auzoetan bilerak egin dituzte jada udal ordezkariek hauen ekarpenak jaso eta legegintzaldirako asmoak agertzeko. Hurrengo astean, bilera gehiago egingo dira; Aratz Errekan, Nuarben, Urrestillan eta Lasaon.

Galdetegiak banatu eta buzoiak jarri ditu Udalak, herritarrek 2016ko aurrekontuei ekarpenak egin ahal izateko

buzoieDA16

2016ko aurrekontuak osatzeko prozesua abian da jada. Aurreko urteetan bezala, Denon Artean prozesuaren bidez herritarren iritzi eta ekarpenak bildu nahi ditu Udalak eta horretarako, baliabide desberdinak jarri dira herritarren eskura. Herritarrek dituzten behar eta nahiak entzun eta jasotzea ezinbestekoa da aurrekontuak osatzeko garaian eta horregatik, galdetegiak banatzen hasi gara etxez etxe. Gainera, buzoiak ere jarri dira kaleetan herritarrei bidea errazteko. Buzoiak abenduaren 11 arte egongo dira herriko hainbat auzotan. Udaleko sarreran, liburutegian eta igerilekuan dauden buzoi iraunkorrak ere erabil daitezke.

Denon Artean 2016; herritarrekin eta eragileekin elkarlanean osatuko dira aurrekontuak

DA2016aurkezpen

2016 urtean Azpeitiko Udalaren aurrekontua osatzeari ekin dio Udal Gobernuak, eta azken 4 urteetan bezala, herritarren iritzi eta ekarpenek pisu berezia izango dute prozesuan zehar, eta horretarako baliabide desberdinak jarriko dira azpeitiarren esku. 2016 urteko aurrekontuak 3 iturritatik elikatuko dira:

  • 2025 Plan Estrategikoa
  • Alderdi politikoen eta Udal teknikari eta langileen ekarpenak
  • Herritarrak

"Aurtengo aurrekontuak tesitura eonomiko hobeagoan planteatzen ditugu, iazkoarekin alderatuz, 2 milioi gehiago izango ditugula uste dugu eta beraz, inbertsioetarako diru gehiago izango dugu", azaldu du Eneko Etxeberria alkateak.

Zu hemen zaude: Home

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea. Informazio gehiagorako Cookie politika.

Onartzen dut